كلمات أغنية "أنا أنا أنا أبريق الشاي"
- أنا أنا أنا أبريق الشاي.
- ايدي كده، بوزي كده، أصب الشاي وأرجع كده.
- وأعرف باردو ياكتاكيت احكي حواديت.
- كان في واحد اتنين تلاته
- ويا اربعة خمسة تاتا تاتا
- راحوا لعم علي الحلواني
- عايزين بسكوت بالشوكولاتة.
- الحلواني يا أطفال.
- فكر حبة وبعدين قال
- بسكوت بالشوكولاتة مفيش
- يمكن فيه عند البقال.
- لبقال قال اشتروا سكر
- خدوا بفلوسكو كلها سكر
- أحلى شئ في الدنيا السكر
- حتى اسألوا أبريق الشاي.
- ابريق الشاي
- أنا أنا أنا ابريق الشاي
- ايدي كده، بوزي كده، أصب الشاي وأرجع كده واعرف باردو ياكتاكيت احكي حواديت.
- كان ياماكان قفطان لونه أحمر
- لابساه أمورة اسمها مرمر
- وقطط رومي وديك فيومي
- وأنا وأنتم قاعدين نتنقور
- حاجة ظريفة و عال العال
- لكن فجأة حصل زلزال
- اتاريه الفيل أبو زلومة
- عمال يرقص في الأدغال
- جوه الأدغال الهندية
- الفيل بيغنى أغنية
- ويقول أنا وأنتي يازلومتي
- نشبه سوا أبريق الشاي.
- أبريق الشاي
- أنا أنا أنا أبريق الشاي، ايدي كده، بوزي كده
- أصب الشاي وأرجع كده
- وأعرف باردو ياكتاكيت احكي حواديت.
- كان فيه في بلاد العجايب
- حفلة شاى لتلاتة حبايب
- الدبة والبوبي والنملة، والثعلب بره مالوش نايب
- التعلب قدامهم فات، وفي ديلة سبع لفات
- كل الحفلة قالوله ياتعلب، ابعد عنا عشر ياردات تعلوبة قال، فيها يااخفيها، واقلب فناجيلها وكراسيها وعشان اغيظكو وأجننكوا، راح اخبي أبريق الشاي أنا أنا أنا ابريق الشاي
- ايدي كده.. بوزي كده، أصب الشاي وأرجع كده واعرف باردو ياكتاكيت احكي حواديت.
- كان في واحد مزيكاتي، ومعاه صاحبه مألفاتي
- غرقت بهم المركب، عاموا. عاموا
- لجزيرة القرصان زناتي
- الاتنين كانوا طوال وعراض
- انكمشوا بفعل الأمراض
- بقوا كده من الأمواج الساقعة
- والسمك البلطي العضاض
- القرصان قال، اقفوا كويس
- اي اي اي، احنا كده كويس، يلا نخش عليه ونميس ونغني أبريق الشاي
- الغنوة دي مش عارفها، طب يلا بينا نألفها
- انا أنا أنا ابريق الشاي
- ايدي كده، بوزي كده، أصب الشاي وأرجع كده واعرف باردو ياكتاكيت احكي حواديت.
- ودي يا أولادي قصة تأليف وكمان تلحين الغنوة دي
- أنا أنا أنا ابريق الشاي، ايدي كده، بوزي كده، أصب الشاي وأرجع كده
- و اعرف باردو ياكتاكيت احكي حواديت.
قام سيد الملاح المنولوجيست الشهير بأداء أغنية أنا أنا أنا أبريق الشاي، يمكنكم طلب كلمات أية أغنية عبر التعليقات أسفل المقال.
اقرأ أيضاً:
تعليقات
إرسال تعليق